..कम्तीमा मसँग चोरको जति अभाव छैन
मैले आफ्नै जिन्दगी नचोरी बाँचेको छु
सिरानीवाट आफ्नै सपना चोरिन
ठिहीमा बलिरहेको अँगेनो
वर्षात् ओत ...
गर्मिंमा छहारी
उकालो यात्रामा चौतारो चोरिनँ
मरुभुमीको यात्रामा क्याक्टस चोरिनँ
मैले चोरिनँ
ऐनवाट अनुहार
घडीवाट समय
बालापनको चकचक
अहँ, केही चोरिनँ
स्कुल जाँदा कहिल्यै बाटो चोरेर सिनेमाघर पुगिनँ
बगैचाँवाट फूलको रङ चोरिन
आँखाले सौन्दर्य चोरेन
कानले सङ्गीतको सरगम चोरेन
यसरी मैले केही नचोरी बाँचीरहदा
समयले मैलाई चोरेर हिँडी सकेछ ।
Post a Comment