सुमन भट्टराई - लघुकथा- "पुस्ताअन्तर"

कलेजबाट फर्किँदै गर्दा एउटा घरमा कुरा गर्दै गरेका तिन व्यक्तिलाई सुनेँ। सायद आमा, छोरो र बुहारी हुनुपर्छ।
बुहारीले भनी- "एउटा घरमा एउटा केटो र एउटी केटी मात्रै बस्दा रछन्। मलाई त अवैध सम्बन्ध हो झै लाग्यो तिनीहरूको!"

"हजबेन्ड एन्ड वाईफ होलान् नि!" छोरोले जवाफ फर्कायो।

आमाले तिनीहरूलाई पहिले देखि नै चिनेकी थिन् क्या र भनिन्,"हैन, तिनीहरू बुडा र बुडी हुन्!"

छोरो र बुहारी हाँसे। एकैछिनमा छोरोले स्पष्टीकरण दिँदै भन्यो-"मैले त्यै त भन्या त आमा! बुडाबुडीलाई अङ्ग्रेजीमा हजबेन्ड एन्ड वाईफ भन्छन्।"