टिका खड्का (राष्ट्रप्रेमी) - गजल

हाँस्दै फुल्ने गुँरासको डाली प्यारो लाग्छ 
धान झुल्ने गैरीखेतको आली प्यारो लाग्छ 

जाली झेली होइन साथी परिश्रमी बन्नुस् 
तपाईलाई नी परिश्रमको बाली प्यारो लाग्छ

चाँहिदैन हिंसा रोप्ने बन्दुक नेपालीलाई
पसिनाको बिज रोप्ने फाली प्यारो लाग्छ

बिरताको गाथा कोर्ने हामी गोर्खालीलाई
स्वाभिमानको गाँस टिप्ने थाली प्यारो लाग्छ

देश द्रोही भ्रस्टचारी मासौँ देशै बाट
यो देशलाई "राष्ट्रप्रेमी" माली प्यारो लाग्छ