अनिल याखा - प्रायश्चित

विकल्प एक सामान्य परिवारको छोरा र विना एक मध्यमवर्गीय परिवारकी छोरी फेसबुकबाट चिनजान हुदै प्रेममा डुव्न थालेका थिए । दुवै घण्टौँ च्याटिङ गर्थे र रमाउथे । समयले कोल्टे फेर्‍यो । एकाएक विनाको व्यवहार परिवर्तन भयो । उनले विकल्पलाई व्लक हानिन् अनि आफ्नो फेसबुक एकाउन्ट डिएक्टिभेट गरिन् । त्यो उनको चतुरता थियो । उनको नव प्रेमी विजयले आफ्नो फेसबुक प्रेमवारे थाहा नपाओस् भन्ने चाहान्थिन् । जो भर्खरै हङकङबाट फर्केका थिए । समय वित्दै गयो । विजयले अन्ततः विनाको शरीरसंग विजय प्राप्त गर्‍यो र विनालाई वेवारिशे छोडी एक्लै फर्कियो । विना अकेली भइ अनि विकल्पको सम्झना आयो । हतार-हतार फेसबुक खोलिन् । तर विकल्पलाई भेट्टाउन सकिन । वल्ल याद आयो । हतार-हतार अनव्लक गरिन् । विकल्पको फेसबुक भित्ता उसको साथी, इष्टमित्र अनि परिवारको विशिङले भरिएको थियो । “हार्दिक समवेदना”, “हार्दिक श्रदाञ्जली”, “चीर शान्तिको कामना” आदि आदि । त्यही भित्तोमा जीवनलाई पूर्णविराम लगाउदै विनाले अन्तिम पोस्ट गरिन् ।