किसान - गजल

सक्नुपर्छ मुस्कुराउन सक्नुपर्छ हारमा पनि
जसरी मुस्कुराउछ चादनी अन्धकारमा पनि

कोही पाउनुलाई जिन्दगी ठान्छन कोही गुमाउनुलाई
कति भिन्न छन् यी मान्छेहरु विचारमा पनि

बावुले सन्तान मारेको खवर आइरहन्छ र त
विश्वास लाग्न छोडेको हो तिम्रो प्यारमा पनि

अध्यारो मन भएको थाहा पाएको दिन देखी
अध्यारै देखिएका छौ तिमी श्रृङगारमा पनि

सुन्थे अभावले मान्छे लाई अपराधी बनाउछ,
के साच्चै अभाव थियो र त्यो दरवारमा पनि?

- किसान