डा. निरज भट्टराई - गजल

कसरी कसरी राजहरु कहाँ  कहाँ सम्म पुग्छन
बन्द कोठाबाट आवाजहरु कहाँ कहाँ सम्म पुग्छन

जो गएको छ ऊ फर्केर आउन सक्दैन तर
ढोका हल्लिंदा अन्दाजहरु कहाँ कहाँ सम्म पुग्छन

त्यसै त हात जोडेका छैनन् ,त्यसै त झुकेका छैनन्
यी प्रार्थना, यी नमाजहरु कहाँ कहाँ सम्म पुग्छन

केवल गरिबको कसौंडीसम्म पहुँच हुँदैन
पुग्नलाई त अनाजहरु कहाँ कहाँ सम्म पुग्छन

तेरो गज़लमा भावको दायरा साँघुरो छ 'निरज'
गालिब ,दुश्यन्त र फराज़हरु कहाँ कहाँ सम्म पुग्छन